Այս էջը հաստատված է
Ես քո ասածներին կամ պատրաստ լսող,
Սամսոնն էր, որ աղբյուր հանեց ոսկորից,
Պոզավոր Մովսեսն էր՝ որ երեսին ուներ քող,
Հոնան ծնվեց երկու անգամ փորերից։
Ի՞նչ ծառ է, որ անհող, անջուր է բսնում,
Աոանց տերևների ճղներ է գցում.
Ի՞նչ բանն է սուր, քան թուր սրտի մեջ ցցվում.
Այն ի՞նչ արարած է որ ծնվեց հորից։
Պախրի եղջյուրները անհող, անջուր են բսնում,
Առանց տերևների ճղներ են գցում,
Դառը խոսքն է սրտում սրի պես ցցվում,
Քո կարծիքով Եվան ծնվել է հորից։
Այն ո՞վ էր որ սայլով երկինք վերացավ.
Սողոմոն իմաստունը ի՞նչ բան չիմացավ.
Կարմիր ծովը քանի՞ տեղից պատռեցավ,
Շոհլային եմ՝ շատ լավ տեղյակ բոլորից։
Եղիան էր՝ կառքով երկինք վերացավ.
Աողոմոնն իմ պեսի միտքը չիմացավ.
Կարմիր ծովում տասներկու տեղ բացվեցավ.
Քերոբն եմ, շատ ու շատ գոհ այս օրից…
