Այս էջը հաստատված է
Աքլա՛ր, ինչո՞ւ կանչեցիր,
Ինչո՞ւ նանին զարթեցրիր.
Ա՜խ դու-դո՜ւ,
Ա՜յ ջու-ջո՜ւ:
1882
ԱՌԱՎՈՏԸ ԳՅՈԻՂՈԻՄ
(Մանկական)
Արեգակը դուրս է եկել
Պսպըղալով.
Շողքը հերթից ներս է ընկել
Շողշողալով.
Ծիտը ծառին կըչկըչում է
Ծըլվըլալով.
Ձորումն առուն քըչքըչում է
Վըշվըշալով.
Ծույլ տղայի քունն է տարել
Խռըմփալով.
Տրեխները շունն է տարել
Մըռմըռալով։
1882
ՀՈՎՎԻ ԱՆԿՈՂԻՆԸ
Սարի լանջն է մահճակալ,
Չեչոտ քարը՝ գլխակալ.
Մի հին կապերտ ուսերին,—
Այս է հովվի անկողին: