— Ի՞նչ շահ պիտի ունենան, նայե էտիրնե հիսուն հատ մեճիտիեի նշան¹ ղրկվեր է, որ արժանի եղողներուն բաժնեն, մեր էֆենտիները աս մեճիտիեի նշանը լսելնուն պես շուտ մը տուներնին գացին և սկսան թիֆթիկ, քոնբրես, պանտաժ պոռալ։
— Հա՛, աղեկ միտքս ձգեցիր, տիկինը շապիկս չառած աղվոր մը լափեց. 70 սանթիմեթրո երկայնություն 50 սանթիմեթրո լայնություն ունի քու շապիկդ ըսավ, և այն շապիկն որ 70 սանթիմեթրո երկայնություն ունի և 50 սանթիմեթրո լայնություն ունի, ապա ուրեմն պետք է որ քոնթրես ըլլա ըսավ, վրայես քաշեց առավ գնաց։ Քոնբրեսը ի՞նչ է։
— Վերքի վրա դնելու համար քառակուսի բարձիկ (Մասիս): Մյուս լափերն ալ տոքթոր Խորասանճյան էֆենտին տվեր է, որ քոմթրեսները այդ չափերուն վրա շինեն։
— Աղեկ որ ըսիր, մեյ մալ 70 սանթիմեթրո երկայնությամբ և 50 սանթիմեթրո լայ...[1]
ԱՌԵՎՏՐԱԿԱՆ
Խունկ. — Մասիսի խմբագիրն իր էֆենտիներուն տռջև ծխելու համար այս ապրանքեն բավական ծախու առած ըլլալով՝ գինը բարձրացած է։
Խահվե. — Սրճարաններու մեջ սիսեռն գործածելն ընդհանրացած ըլլալով՝ այս ապրանքը երեսե ընկած է։
Չեզոքություն. — Տերություններուն ամենքն ալ առին, Հունաստան և Րումանիա կը փնտրեն կոր, բայց չեն կրնար կոր գտնալ։
Խըչլըխ. — Տիկիններուն քոմիթեն՝ բամպակը վաթկա շինելու համար շատկեկ գնած ըլլալով՝ ասկից վերջը այս ապրանքեն չպիտի կրնանք գտնալ։
Խավյար. — Գինը շատ բարձր ըլլալուն՝ բժիշկներու կողմե ստամոքսի վնասակար դատվեցավ։
Աֆիոն. — Գիշերվան պեքնիները բարձր գնով ծախու կառնեն կոր։
Սբարմաչեթ. — Այս օրերս լուսնկա ըլլալով՝ գիներն ինկան։
- ↑ Մեր ձեռքի տակ եղած «Թատրոնի» սույն համարը թերի է։ Ծ. կազմ.։