ի՞նչ ըսել է. Պատրիարքը տպագրական տեսչության պաշտոնյա՞ է։
— Կերևա, որ Կետիկ փաշայի թատրոնի հիմակվան տնօրենությունը ինչ ընելիքը չգիտեր կոր. որովհետև երբեմն յուր ազդերուն մեջ անակ բաներ կը գրե կոր, որ ազգին անպատվություն բերելեն զատ ուրիշ բանի չեն ծառայեր։
— Կը զարմանամ, որ ատանկ տնօրենութենե ազգին պատիվ կսպասես։
ՀԱՐՑ ՊԱՏԱՍԽԱՆԻ
Հ. — Կամուրջին վրայեն անցնողն ինչ ըլլալու է։
Պ. — Քաջ լարախաղաց ըլլալու է, որպեսզի կամուրջն ելած իջած ատեն հավասարակշռությունը կորսնցնելով գետինը չիյնա։
Հ. — Մութ ատեն Սուլթան Պայազիտեն անցնելու համար ի՞նչ ըլլալու է։
Պ. — Դանիել մարգարե ըլլալու է, որպեսզի չուները քեզ չխածնեն, վասնզի առյուծները Դանիել մարգարեն չխածին գուբին մեջ։
Հ. — Քոնսոլիտ խաղին մեջ հաջողելու համար ի՞նչ ընելու է։
Պ. — Կամ Իկնաթիեֆ ըլլալու է, կամ Կորչաքոֆ, որպեսզի գիտնա, թե քաղաքականության նժարը որ կողմ պիտի հակի։
Հ. — Վարժապետն մը ի՞նչ հատկություններ կը պահանջվին։
Պ. — Առողջ կազմված, զորավոր ջիղեր, համբերություն, սակավապետություն, միով բանիվ երկար ատեն անոթության դիմանալու գովելի ձիրքը։
Հ. — Քոքոզության դեմ ի՞նչ դարման կա։
Պ. — Առ 5 տրամ բորեաս, 20 տրամ նոտոս և 18½ տրամ գարաել, ասոնք լավ մը իրար խառնե, հապ շինե, և առտու իրիկուն մեյմեկ հատ կլլե։
Հ. — Շոգենավով Խասգյուղ գացողը ի՞նչ ունենալու է։
Պ. — Ավետարանական համբերություն ունենալու է։
Հ. — Արևի օր կամուրջի գլխեն ի՞նչպես անցնելու է։
Պ. — Քրիստոսի զորությունը ունենալու ես, որ ջրերուն վրայեն քալելով երթաս։
Հ․ — Լրագիրը կարդալու համար ի՞նչ պետք է։
Պ. — Քիչ մը գաղղիերենի, քիչ մալ քաղդեական ուսմանց ծանոթություն ունենալու ես։