Չեմ գիտեր, թե խեղճը տակավին կը տանջվի՞ ակռայի ցավեն, թե դեղ մը ճարած է։
Ուրիշ մալ հարցուցած էր, թէ՛ որ գործարանի կարի մեքենաներն աղեկ են և աժան։
Այս ինչ մեքենաներր գործածեցե՛ք, պատասխանած էր Տնտհս:
Ամիս չանցնիր վերջապես, ուր տասր քսան հարցումներ ուղղված չըլլան Տնտեսին:
Խիկարի ընթերցողներեն ոմանք ևս ուզելով վայելել ինչ որ կը վայելեն Տնտեսին ընթերցողներն, սկսած են այլ և այլ հարցումներ ընել մեզ։
Ահավասիկ այդ հարցումներն.
1. — Ինչո՞ւ համար դուն ալ չես շիներ գյուղ մը։
2. — Տղաս պարապ կը պտըտի, ի՞նչ ընեմ, ինչո՞ւ զավկիս համար չես խորհիր։
3․ — Երեկ գիշեր կինս քիչ մը ծեծեցի, աղեկ ըրի՞ թե գեշ։ Ի՞նչ կերպով ծեծելն կրնա օգտակար ըլլալ։
4. — Իմամ պայըլտըն ի՞նչպես եփելու է, որ համով ըլլա։
5. — Հազար ոսկիով աղջիկ մը կը փնտրեմ, ուսկի՞ց առնեմ։
6. — Ի՞նչ է մայասըլի դեղը։
7. — Զոքանչս հարուստ է և ինձի ստակ չտար, ի՞նչպես ստակ փրցնեմ իրմե, արդյոք գյուղ մը շինեմ կրնա՞ օգտակար ըլլալ այս մասին։
8. — Աղջիկս պիտի կարգեմ, որո՞ւ տամ։
9. — Կին մև չորս զավակ ունիմ, կուզեմ կին մ՛ալ առնել, որպեսզի ամուսնությանց թիվը շատնա ազգին մեջ։ Ազգին ծառայություն մատուցած կըլլա՞մ այս կերպով։
10. — Ի՞նչ ընթացք բռնեմ, որ հնազանդի կինս ինձի։
11. — Դասատվության ասպարեզեն ելնել կուզեմ, ի՞նչ ընեմ։
12․ — Չորս հատ աղջիկ զավակ ունիմ, մանչ մալ կ՛ուզեմ որ ծերությանս մեջ նեցուկ ըլլա ինձ. ի՞նչ կերպով կարելի է ունենալ այս մանչ տղան, ո՞ր բժշկին դիմեմ։
13. — Ծովեն ելնել ես ետքը պառկի՞մ, թե քալեմ։
14․ — Ականջի ցավեն կը մեռնիմ կոր, ի՞նչ դեղ դնեմ։
Կը խոստանանք հաջորդ թիվերով հետզհետե պատասխանել այս հարցումներուն։