Ա... էֆենտի։
Բ... »
Գ... »
Այսօր կրնանք վստահաբար ըսել, թե ասոնցմե մին պիտի ընտրվի — թեև քվեն շատ անգամ չարաչար գործածե մեր վստահությունը — բայց ասոնցմե ո՞րը պիտի ընտրվի. հայտնի չէ, որովհետև այս անձնավորությունները շաբաթե մը հետե արժեթուղթերու պես կը բարձրանան կամ կիյնան։
Քանի մոր առաջ ընտրողական հրապարակի վրա սա խոսակցությունները կը լսվեին.
— Գ․․․ Էֆենտին քանի՞ է։
(Այսինքն քանի՞ քվե ունի)։
— Քսանը հինգ։
— Քսանը հի՞նգ․․․ ինկած է․․․ երեկ քառասուն էր։
— Այսօր անանկ է․․․
— Բ... Էֆենտի՞։
— Հառասունն ինը երեք քառորդ, և հույս կա, թե ավելի պիտի բարձրանա.․․ ես ալ ըլլամ նե՝ Գ.․.ի տեղ Բ... են կառնեմ, աս ավելի շահավոր է։
— Ա.․․ քանի՞ Է։
— Այս օրերս չփնտրվիր կոր... հարցնող չկա.․․ տասներկու է կարծեմ։
Երկու օր առաջ հրապարակը մեծ փոփոխություն կրած էր։
— Բ...ն այսօր քանի՞ է։
— Շատ ինկած է այսօր... տասնը չորսի կը ձգեն կոր, առնող չկա։
— Ինչո՞ւ։
— Ո՞վ գիտե... ծախող շատ կա... միջնորդներն ասդին անդին ինկած են։
— Այն միջնորդները չե՞ն, որ վարկը կը կոտրեն։
— Գ... ն։
— Գ... քիչ մաղեկ է այս օրերս։
— Քանի՞ Է։
— Քսանը հինգ մեկ քառորդ։
— Քառո՞րդ մը միայն վրա դրած է։
— Այո՜, չեն բռներ կոր, ի՞նչ գիտնամ... բարձրացնելու համար շատ ջանքեր կըլլան կոր, բայց չբարձրանար կոր։
— Ա..․նը։
