Փորձե և քիչ մը քնացի՛ր։
Տան տերը գլխուդ վրան կը տն՝կվի։
— Ինձի նայեցե՛ք, կը պոռա սպասավորներուն, քիչ մը
ջուր բերե՛ք Պապիկ աղային։
— Չէ, չէ, չեմ ուզեր ջուր։
— Ինչո՞ւ կը քնանաք, Պապիկ աղա։
— Նստած տեղս քունս եկավ, ներեցե՛ք։
— Մեզմե չախորժեցար։
— Քավ լիցի։
— Ուրիշներուն տունը մինչև առտու կը նստիս, մեր տունը
շուտ մը կը քնանաք։
— Շատ կերա այս գիշեր, այդ պատճառավ...։
— Ոչ աս է, ոչ ան, կըսե տան տիկինը, մեր տունն աղեկ
զբոսում չկա, անոր համար...
— Կաղաչեմ, մի՛ խոսիք այդպես։
— Ուրիշ տուն մը գտնվեիք նե՝ հարկավ ա՛լ ավելի պիտի
զբոսնուիք և զվարճանայիք։
— Սիկարա մը բերեք Պապիկ աղային, կը հրամայե տան
տերը։
— Խնձոր մը ըստկեցեք Պապիկ աղային, կը հրամայե
տան տիկինը։
— Շնորհակալ եմ։
— Խահվե մեփեցե՛ք։
— Թեյ մը բերէ՛ք։
— Ելի՛ր, սանկ քիչ մը պտըտե, Պապիկ աղա, որ քունդ
փախչի։
— Եկո՛ւր, սքանպիլ մը խաղանք, որ չքնանաս, կը պոռա
անդիեն ուրիշ մը։
— Շնորհակալ եմ, դուք քեյֆերնուդ նայեցեք։
— Չըլլար, սքանպիլ մը պիտի խաղամ քեզի հետ։
Պապիկ աղան չկրնար դիմադրել։ Կսկսի սքանպիլ խաղալ։
Հազիվ կը խաղա երեք քառորդ, և ահա քունն վերստին
կուգա։
— Մի՛ քնանար, Պապիկ աղա։