Էջ:Hagop Baronian, Collected works, vol. 3 (Հակոբ Պարոնյան, Երկերի ժողովածու, հատոր 3-րդ).djvu/283

— Երթաք բարով։

Բարթողիմեոս աղան խոսքը ձեզի ուղղելով՝

— Էյ զրուցե՛, նայի՛նք։

— Ի՞նչ զրուցեմ...

— Օօօօօօօօօ՜, փառք տիրոջ, որ տեսնվեցանք, ո՞ւր եք, աղբար, ո՞ւր եք, կը հարցնե Բարթողիմեոս աղան յոթանասուննոց մեկու մը։

— Հոս եմ։

— Համաձայնեցա՞ք հետը։

— Համաձայնելու մոտ ենք։

— Համաձայնեցե՛ք, համաձայնեցե՛ք անուշ տեղը կապեցե՛ք, հինգ վար, հինգ վեր, լմնցուցեք գործը։

— Իմ միտքս ալ անանկ է։

Գործ ունիս, կ՝ուզես բաժնվիլ Բարթողիմեոս աղայեն և խանութդ երթալ, Բարթողիմեոս աղան միշտ բռնած է ձեռքեդ։

— Ինձի հրաման, Բարթողիմեո՛ս աղա։

— Մեկտեղ կերթանք հիմա, սա խոսքս լմնցնեմ, ըսելիք ունեմ քեզի։ Տահա ինտո՞ր ես, նայինք...

— Սանկ նանկ կերթանք կոր։

Քանի մը քայլ ես կառնես Քարթողիմեոս աղային հետ, և ահա սրճարանի մը մեջ նստող մարդու մը կուղղվի։

— Բարև՛, տիրացու։

— Ծառա եմ։

— Շատ ուրախացա, շատ ուրախացա։

— Շնորհակալ եմ։

— Քեզմե աղե՞կը պիտի գտնայինք։

— Ողջ եղեք։

— Մեզի ալ քեզի պես մեկը պետք Է։

— Երախտագետ եմ։

— Ձեռնադրությունն ե՞րբ պիտի ըլլա։

— Ամիսե մը։

— Ամի՞սն ինչ է, գալ շաբթու ձեռնադրվե՛, լմննա, երթա։ Անունդ պիտի փոխե՞ս։

— Այո՛։