— Մերինը դեռ երեք ամսու է։
— Կաթնակեր տղա մէ, չըսէ՞ք դեռ շատ պզտիկ է։
— Այո։
— Ի՞նչ կուզե այդ ծրագիրն։
— Վարժապետանոց մը, որու մեջ գորտերեն վարժապետ պիտի հասնի:
— Շատ աղեկ խորհեր եք։
— Ընդունեցի՞ք անանկ ծրագիր մը։
— Դպիրեն կրնանք տեղեկանալ։ Դպիր, ստացա՞նք անանկ ծրագիր մը։
— Այո՛, ստացանք, կը պատասխանն դպիրն։
— Այո՛, ստացանք, կը կրկնե Իկոնոմոսն։
— Ի՞նչ խորհեցաք ատոր վրա։
— Դպի՛ր, ի՞նչ խորհեցա անոր վրա, կը հարցնե Իկոնոմոսն։
— Նկատողության առնվեցավ, կը պատասխանե դպիրն։
— Նկատողության առնվեցավ, կը կրկնե Իկոնոմոսն։
— Որչա՞փ պիտի մնա նկատողության մեջ։
— Հարկ եղածն կը խորհվի։
— Ե՞րբ։
— Պարտ ու պատշաճն կը տնօրինվի։
— Քանի օրեն։
— Առաջին առթիվ։
— Ե՞րբ կը ներկայանա այդ առիթն։
— Առիթն կը հղվի ում անկ է։
— Չեմ հասկնար։
— Զայս կը հաղորդեմք ձեզ ի գիտություն։
— Ի՞նչ ըսել է ի գիտություն։
— Եվ կը խնդրեմք։
— Ի՞նչ կը խնդրեք։
— Որ ընդունիք մեր խորին հարգանաց հավաստիքն, որով մնամք ի դիմաց Իկոնոմոսի ամենախոնարհ ծառայք։
Բարոյական — Նկատողության առնվելոլ է, թե երկար նկատողություններն կամ ոչ կամեցողություն կամ մոռացում և կամ ասոնց նման բաներ կենթադրեն։
