դատապարտե, ինչո՜ւ համար երկաթը վրայեն բան մը չկորսնցնե և խեղճ աքիսին լեզուն մաշի։
Ծիծաղ — Կարծեմ դուն կամ խոսք չհասկնալու երդում ըրած ես, կամ չհասկցնելու ուխտ ըրած։
Կրիտիկ — Ոչ մին և ոչ մյուսն։
Ծիծաղ — Երգե՛ ուրեմն, ո՜վ ճպուռ, ուռեցի՛ր ո՛վ գորտ, թռիր, ո՜վ կրիա, լզե՛, ո՜վ աքիս և վստահ եղեք, որ ծեր նպատակին պիտի հասնիք ըստ Կրիտիկոսին։
Բարոյական — Համոզվելու ենք, թե մարդս յուր կարողութենեն վեր բաներու փափագելուն պես անպատճառ կը վնասվի։
ԾԻԾԱՂԻՆ ԿԱՐԾԻՔՆԵՐԸ
Կան կիներ, որ եղինճին կը նմանին և սակայն բռնվելու տեղ ունին. խեղճ էրիկներն զանոնք ինչպես բռնելու եղանակն չգիտնալով շատ անգամ կը խայթվին։
Սիրահարությունն տոնավաճառ մ՝է, որ երիտասարդության
եղանակին մեջ կը բացվի, և ծերության մեջ կը փակվի,
սակայն կան ոմանք, որ ուշ կը մնան և այս տոնավաճառին
փակման մոտ կերթան հոն ապրանք գնելու և ետ կը
դառնան ձեռնունայն։
Շատ անգամ կնկան մը արտասուքին մեկ շիթը օվկիանոսին
ալիքներեն ավելի վտանգավոր է. գիտե՜ք որքան նավաբեկություններ եղած են և կ՝ըլլան շիթ մ՝արտասուքի լայնածավալ
ծովուն վրա։
Գինովությունն հուսահատ սիրահարներու վերջին ապաստանարանն
է, չկրնալով իրենց ուզածը սիրել, որոշում կուտան
գինին սիրելու։
Գեղեցկությունն անանկ պտուղ մ՝է, որուն հումն ավելի
սիրով և ախորժակով կ՝ուտվի, և որ շատ հասուննալուն պես
կը փտտի։