Սագ — Եթե սխալ չարտասանեինք, թերևս ֆալաքսարան այսքան վնասներ չէր հասցներ մեզ։
Ագռավ — Ինչպես հայտնի է ի, է, օ տառերն ձայնավոր են և առանց ուրիշ գրի օգնականության կրնան ձայն հանել իրենք իրենցմե, մինչդեռ բաղաձայններն անպատճառ ձայնավորի մը կը կարոտին ձայն հանելու համար։
Սագ — Խեղճ բաղաձայններ...
Ագռավ — Ըստ որում տառերն բառեր և բառերն խոսքեր կը շինեն, ի, է, և о տառերն մտած են ֆալաքսարային մեջ։ Եվ որովհետև ամեն տառ ներդաշնակության համար ամեն տեղ յուր բուն հնչումը չպահեր, որոշեր են, որ ի, է, և о տառերն ա հնչվին երբեմն, հետևապես ֆիլոքսերա հնչված է ֆալաքսարա, որ բազմավանկ բառ մէ և բան մը, իր մը ցցունելուն համար անուն կամ գոյական է։ Հասարակ գոյական է, որովհետև շատ ֆալաքսարաներ կան, ինչպես շատ ծառեր, քաղաքներ և այլն կան. եթե մեկ հատ ըլլար, հատուկ անուն պիտի ըսվեր։ Այս ֆալաքսարան Ա. հոլովման տակ կերթա և կը հոլովի այսպես.
|
Սագ — Եվ խել մը կենդանիներ առանց այս բաները գիտնալու խնդիրն լուծել կաշխատին։
Ագռավ — Հետևապես խնդիրն ֆալաքսարայի վրա է և ոչ թե ֆիլոքսերայի։ Խորհեցե՛ք, տյարք և տիկնայք, այն սոսկայի հետևանքներն, որ կրնան հառաջ գալ սխալ արտասանութենե։ Խնդիրն արդեն փափուկ է և ծանր. և մենք սխալ արտասանությամբ կրնանք ավելի փափկացնել և ծանրացնել զայն։ Ուստի կ՝եզրակացնեմ խոսքս և այս որդին բարձման իբրև միակ միջոց կ՝առաջարկեմ թողուլ ֆիլոքսերան և ֆալաքսարա հնչել։
Ձայներ — Քվե... քվե...