Գազանաբարո. — Բարեբարո։
Գաղափար. — Որքան ոտք, այնքան կաղապար։
Գավազան. — Խոսքն իմս է:
Գերեզման. — Անդիի աշխարհ բանող թունելին կայարանը։
Գիշեր. — Գողերու համար բարեպատեհ առիթ մը:
Գողություն. — Պզտիկն պատժո արմանի Է։
Գութ. — Ջղային տկարություն։
Գրկախառնություն. — Բարդ բառ մը։
Դագաղ. — Անդիի աշխարհին նամակատուփը։
Դասալիք. — Քաջ։
Դափնի. — Ոտանավորին և թրաձուկի խորովածին մեջ կը գործածվի։
Դժվարակիր. — Աղքատություն։
Դի. — Ինչ որ չշարժիր։
Դիմակ. — Ո՞ր տեսակեն կուզես։
Դյուրավաճառ. — Շողոքորթություն։
Եթե ոչ. — Սպառնական ձև մոր ազդեցությունն կորուսած է։
Ելակ. — Մուտքն արգիլված ՝ աղքատաց համար։
Եկամուտ. — Հարուստներու հատուկ բառ։
Երազ. — Մտքի նավարկությունն առանց կողմնացույցի և ղեկի:
Ե՞րբ. — Անպատճառ հիմա, եթե առնելիք ունիս, գալ շաբթու մեջ օր մը հանդիպե ինձի, եթե տալիք ունիս։
Երդում. — Սուտն իբրև ճշմարիտ ընդունել տալու համար կը գործածվի։
Երեկո. — Օրվան վերջակետը։
Երես. — Ժամանակավ ամեն մարդ ուներ։
Երեսփոխան. — Ուրիշին շահերը պաշտպանեշու պաշտոնով յուո շահուց ծառայող։
Երևելի. — Միշտ ուրիշներու թերությունները։
Երեկ. — Երեխա անցյալ մը։
Երիտասարդ. — Երբեմն տարիքի գարունն Էր, այսօր աշունն է։
Երկայնակյաց. — Կարճ կյանք ունեցողն։