Հավատափոխություն. — Խղճի գաղթականություն։
Հիմնադիր. — Այն, որ հիմնահատակ կ՚ընե։
Հյուրասեր. — Այն, որ հյուրեն օգտվիլ կ՚աշխատի։
Ճամարտակություն. — Նոր և դյուրին արհեստ մը ստակ վաստկելու համար։
Մաճ. — Մշակին գրչակալն։
Մամոնա. — Անիրւավ քեզի...
Մայրապետ. — Մայր շատ մայրերու։
Մարդավարութեան. — Սրտիդ հակառակ վարվիլ։
Մարդատյաց. — Մոլի մ՚որ միշտ սրտեն կը խոսի։
Մարմին. — Բժիշկներու ստացվածքը։
Մեղք. — Տուգանքը վճարե՛ և կը խալսիս։
Միջնորդ. — Երրորդն է, որ կը շահի միշտ։
Մրդանակ. — Ինչ որ ակարներու կը տրվի ի քաջալերություն...
Համառություն. — Ո՞րքան դժվար է սխալն խոստովանիլն։
Հույս. — Եթե ուրիշներն խաբելու մեջ դժվարություններ կը տեսնենք՝ ինչո՞ւ ինքզինքնիս չխաբենք։
Նվաստ. — Աղերասգիրներու տակ կը գտնվի միայն, և այն ալ ծառայի մը հետ։
Նվաստաթյուն. — Ո՞վ կ՝ընդունի։
Նպատակ. — Միշտ ուրիշներն են, որ կը հասնին մեր նպատակին։
Նսեմ. — Գրագիտաց ոմանց գրությանց համար կը գործածվի։
Շահ. — Զմեզ շարժող շոգին։
Շահադետ. — Ընդհանուրին շահուց պաշտպան։
Շաղփաղփանք. — Ինչ գեղեցիկ կերպով տրամաբանեց և խնդիրն պարզեց։
Շատանալ. — Ավելին վայելելու հույսը կտրել։
Շնական. — Առաքինությունն խենդեցած։
Շողոմարար. — Ժամանակիս պահանջմանց համաձայն վարվող։
Շուկա. — Սուտերու գործարան։
Շրջաբերական. — Բարեհաճեցե՛ք ինձի գործ տալ։