— Երուսաղեմի վանուց պարտուց մասին ի՛նչ պիտի ըսենք։
— Չիյտեմ, այդ մասին ըսելիք մնաց... արձանագրելու է, արձանագրելու է։
— Ի՞նչպես և ո՞ւր։
— Այսպես. «Ի հիմանէ խախտեցաւ ի պատրիարքութեան.... սրբակրոն և յիշատակաց արժանի պատրիարքի օրով... և հիմն ի վեր տապալեցաւ արդեամբ և շնորհիւ Ընդհանուր ժողովո որոջման»։ Վանուց ճակատին վրայի արձանագրությունն այդպես ըլլալու է։
— Կը հասկնամ միտքդ, բայց գործադրելի չէ։
— Շատ գործադրելի է։
— Տարին այսչափ հոգաբարձություններ ու թաղականներ կը կործանին, ասոնց ամենուն համար զատ զատ հաշի՞վ բանալու է։
— Հոգաբարձություններ ու թաղականներ անունով մեկ մեկ հաշիվ բանալու է։
— Այսչափ ազգօգուտ ընկերություններ կործանված են և կործանվելու վրա են, ասոնք ի՞նչ ընելու է։
— Պատրիարքարանի պատերուն առջև մեյ մեկ քար կը դրվի և անոնց վրա կարձանագրվի։
— Ամեն օր մեկ դպրոց կը կործանի, գրագիր մալ ասո՞նց համար բռնելու է։
— Ըսել է թե մեր ազգին մեջ ամեն օր կործանում կա։
— Նպատակս այդ հասկցնել չէր, բազմաթիվ գրագիրներու պետքն զգացնել էր։
— Այդ պաշտոնն ես կստանձնեմ։
— Շնորհակալ եմ։
— Գավառները կը պտըտիմ և ամեն գավառի մեջ ամեն ամիս գործված ազգային բարյաց ու չարյաց հաշիվն քեզ կը ղրկեմ զեն ու շահ վերնագրով և դուն ալ...։
— Քարի՞ վրա փորագրել տամ։
— Ո՛չ, թարթիդ մեջ հրատարակել կոտտաս։
— Կ՝ընդունիմ սիրով։
— Ապագային համար համառոտ Ազգային պատմություն մ’ալ պատրաստած կ՝ըլլանք։
