ԾԻԾԱՂ ԵՎ ԲԱՐՈՅԱԿԱՆ[1]
— Բարոյակա՛ն, մեկը գտիր ինձ, որ խածնեմ... շուտ ըրե՛... հիմա մեկը ներկայացուր ինձ, որ խանծնեմ...
— Զո՞վ ներկայացնեմ։
— Գտի՛ր մեկն ու բեր խածնեմ, որովհետև երկու տարիե ի վեր կապված եմ ու մեկը խածած չունիմ... ահ... կը մեռնիմ կոր խածնելու համար... կտոր մը միս փրցունեմ մեկու մը սրունքեն... շուտ ըրե՛...
— Ես շատ մարդ չեմ ճանչնար, ճանչցածներս ալ բարի մարդիկ են։
— Ինչո՜ւս պետք իմին, թե բարի կամ չար են, այսօր խածնելու պետք ունիմ ես, այդ բարիներեն մեկը բեր, որ խածնեմ... խածնելու նպատակավ չէ որ պիտի խածնեմ, այլ ակռաներս սրելու համար։
— Ատ առաջարկությունդ չեմ կրնար ընդունիլ։
— Վերջապես եթե չգտնես մեկը՝ զքեզ կը խածնեմ։
— Օ՜հ... Մոլիերի բժիշկ մալ:
— Ես ատանկ բաներ չիյտեմ, թող տուր որ խածնեմ զքեզ։
— Կոշկակարն ցկոշիկն...
— Լավ, կոշիկ մը կանցունեմ գլուխս... կեցի՛ր... սանկ քիչ մը խածնեմ...
— Ի՞նչ ըրիր, թշվառական... վա՜յ սրունքս...
— Լռե՛։
— Վա՜յ։
- ↑ Ընթերցողք կը հիշեն անշուշտ, թե Ծիծաղն Խիկարի խմբագրին շունն է. Բարոյականն արդեն ծանոթ է ամենուս, կամ քիչերու։