ՊԱՐԱՀԱՆԴԵՍԻ ՎԵՐԱԲԵՐՅԱԼ
— Գիշերները պարահանդես կերթա՞ք կոր։
— Այո՛, շաբաթը գրեթե չորս հինգ անգամ կերթամ կոր։
— Դիմակո՞վ, չէ նե առանց դիմակի։
— Դիմակով։
— Ինչո՞ւ։
— Որպեսզի չըլլա որ զիս ճանչցողներ գտնվին և ամչնան։
— Ի՞նչ հագուստ կը հագնիք կոր։
— Բոժոժավոր հագուստ։
— Ի՞նչ ձևեր կընեք կոր։
— Թեթևության ձևեր։
— Ձեր բնական ձևերը կընեք կոր ըսել է: Ան տեղը կերթաք նե՝ ի՞նչ կընեք։
— Ինչ որ պետք է ընել պարահանդեսի մը մեջ, տամաներուն հետ խաղալ։
— Ինչէ՞ն կը ճանչնաք տամա ըլլալը, քանի որ ան ալ դիմակով է։
— Ֆրանսերեն գիտե՞ս դուն։
— Ֆրանսերեն չես գիտեր նե՝ պարահանդես մի՛ գար, կը խաբվիս, քավալիերը տամայի տեղ կը կլլեցնեն քեզի։
— Ի՞նչ կըսեք. քավալիերը տամայեն որոշելու համար անպատճառ ֆրանսերե՞ն գիտնալու է մեկը։
— Հապա , ֆրանսերենի մեջ լը մը և լա մը կա, որոնցմով մեկը կրնա ճանչնալ անձի մը կամ բանի մը արու կամ էգ ըլլալը, հետևապես այն անձը, որ ինձի տամա պիտի ընեմ նե՝ վրան լա մը կը դնեմ կըլլա իգական։
— Մեր Կիրակոս աղբարին վրա տլ լա մը դնեք նե՝ կրնա՞ տամա ըլլալ։