Մինչև կես օր կը քնանան տիկինն ու աղջիկները։
Երեկոյան տուն կը դառնա Թորոս աղան, կառանձնանա կնոջը հետ և կսկսի դիտողությանց։
— Ի՞նչ էր երեկ գիշերվան խայտառակությունը, խաղք եղա հյուրին առջև...
— Խաղք ըլլալու ի՞նչ կա։
— Հյուրի սենյակը տակն ու վրա էր․․․
— Իմացա, կավլեր կոր, ուրիշ գործ ելավ, անանկ ձգեց... խաղք ըլլալու բան չկա ասոր մեջ։
— Բյուրկաթիվի շիշով օղի բերին։
— Ի՞նչ վնաս ունի եղեր, հինտ յաղի կար օղիի շիշին մեջ, անոր մեջը դրեր են։
— Աղեկ ա, ինթիքանի մեջ լեցնեիք գոնե և անով հրամցնեիք։
— Կենե մի՛ պաշլայեր, Աստվածդ սիրես։
— Բերածնին գոնե օղի ըլլար, կազ բերին, կազ․․.
— էյ, սխալմունք է, ամեն տունի մեջ կըլլա, պյություն պարապ խոսքեր են ասոնք։
— Այնուհետև կերակուրի կսպասենք, չեք գար։
— Գործ ունեինք.․․ կերե՛ք, կըսենք կոր ձեզի, ինչո՞ւ կսպասեք... մենք ալ անոթի չմնացինք ա՛, մենք ալ կեցանք․․. ասանկ պարապ բաներու համար բարկանալու սիրտ ալ ունիս, կը զարմանամ։
— Խահվեի սպասեցինք, չեկաք։
— Կերակուր կուտեինք կոր։
— Պառկեցե՛ք, կըսեմ, չեք պառկիր։
— Խահվե կը խմեինք կոր։
— Արթնցեր կըսեմ, չեք արթննար։
— Կը պառկեինք կոր։
— Շատ աղեկ, իրավունք ունիք։
— Դուք իրավունք ունիք, դուք... հանցավորը միշտ մենք ենք։
— Խաղք ու խայտառակ եղա։
— Բան մալ չեղար...
— Գոնե հյուրը պատվելու համար, պարտավոր էիք սեղանը նստիլ։
— Մեյ մալ ո՞վ պիտի տեսնե անոր երեսը, հողս հատեր է։
— Կերակուրի ժամանակ ությո՞ւ կըլլա, կերակուրի ժամանակ շրջազգեստ բրովա՞ կըլլա, կերակուրի ժամանակ հագվի՞լ կըլլա։
— Ամեն օր չէ ա՛, տարին անգամ մը պատահեր է։
