սպաննեմ. երկու շաբաթ է, որ լրագիրդ դադրեցուցած ես և տակավին ողջ ես։
— Րեվոլվեր առնելու ստակ ունի՞մ, որ ինքզինքս սպաննեմ։
— Ատանկ է նե՝ ինչո՞ւ րեվոլվեր չառած հրատարակեցիր թերթդ։
⁂
— Թոմիկ, այս գիշեր քեզի հետ մասքարա ըլլանք։
— Ըլլանք։
— Ի՞նչ կերպարանք մտնանք։
— Գինովի կերպարանք մտնանք ու գինով ձևանանք։
— Չըլլար տղա՛, կը ճանչցվինք, ատ ըսածդ մեր ամենօրվան կերպարանքն է։
⁂
Առջի օրը իմաստակին մեկը իր սահմանը սորվելու համար երգիծաբանի մը հարցուց.
— Իմաստակությունն ի՞նչ բառ է։
— Իմաստության աղավաղյալն է պատասխանեց երգիծաբանն։
⁂
Անցյալ շաբթու սրճարանի մը մեջ դասատու մը խմբագրի մը կըսեր։
— Անսխալական սպեղանին կարդացի՞ք լրագրաց մեջ։
— Այո՛, ի՞նչպես բան է։
— Սրբազան Պապին յուղն է։
— Ուղղափառ յուղ չըսե՞ս։
⁂
Մինասյան եղրարց վաճառատան մեջ
— Բարև։
— Աստուծու բարին, ի՞նչ կհուզեք կոր։
— Քանի մը օրե ի վեր փորլուծություն ունիմ, ի՞նչ ընեմ։
— Քեզի քիչ մը փանասե տանք խմե՛։