Կես Ժամ կանցնի, ուրիշ մը կուգա։
— Բարև։
— Աստծու բարին:
— Ձեր հրամանոցը բան մը պիտի հարցունեմ։
— Հարցուցե՛ք։
— Չորս օրե ի վեր փորս չելլար կոր, ի՞նչ ընեմ։
— Քիչ մը փանասե չառնե՞ս, եղբա՜յր։
⁂
— Ինչո՞ւ համար Լրագիր ի մոտո տեղեկություն ունենալով՝ ուզած երկու տող գրել Խասգյուղ տեղի ունեցած հրեայի աղջկան դեպքի վրայոք։
— Կամ խնդրույն էնթերեսե չէ, կամ սբեքյուլասիոն մը բրած է։
— Ի՞նչ ելավ ատկից․ ըսածեդ բան մ՝ալ չհասկցա. էնթերեսեն ի՞նչ է, սբեքյուլասիոնը ի՞նչ ըսել է։
— Բառերը միտքդ պահե, որ հաջորդ թվով Լրագրի բառգիրքին շարունակությունը դնենք նե՝ մեջը նայես ու հասկնաս։
— Անանկ է յա՜, Լրագրի ըսածը հասկնալու համար Թատրոն մ՝ալ առնելու է, ինքը ինչո՞ւ բառարանն ալ մեկտեղ չհրատարակվեր կոր։
— Իրեն սուղ կըլլա, ատոր համար։
⁂
Կետիկ փաշայի մեջ
— Կնիկ, ատ ի՞նչ է, չվանին վրա ելեր կը ցատկես կոր:
— Ճանպազություն կը սորվիմ կոր, որ եկեղեցի երթամ։
— Եկեղեցիին մեջ ճանպազությունը ի՞նչ պիտի ընես։
— Հապա թաղականը եկեղեցիին մեջ սանդուխ շինելու հրաման առած չէ եղեր։
— Ի՞նչ ըսել կ՝ուզես։
— Ըսել կ՝ուզեմ, որ սանդուխ չշփնվի նե՝ չվանեն ելնելով վերնա տուն կ՝երթամ, կը նստիմ։
⁂
— Արժանապատիվ Մատթեոս Իզմիրլյան վարդապետը էջմիածին գնաց նե՝ եպիսկոպո՞ս ըլլալու գնաց, չէ նե՝ կաթողիկոս։
