— Քանի անգամ որ շոգենավ մը ընկղմված է, կամ ալեկոծութենե ընկղմված է, կամ մեր շոգենավներեն։
— Աղեկ ա՛։
— Ասոր աղեկությունը ո՞ւր է, Աստվածդ սիրես։
— Ի՞նչ կ՛ըսես, եղբայր, քանի որ մեր շոգենավները նավեր ընկղմելու հատկություն ունին, ծովային պատերազմներուն մեջ մեծ գործ պիտի տեսնեն ըսել է։
⁂
— Կարդացի՞ր, Գրիգոր աղա, մարտ ամսուն սկիզբ են մինչև հուլիսի վերջը Պոլսո մեջ 4792 հոգի մեռած է։
— Սխալ է։
— Ճիշտ է։
— Անոր կրկինը պիտի ըլլա, էֆենտիմ։
— Բայց Րեժիի ծխախոտեն, թրամվեյեն, Շիրքեթի շոգենավներեն մեռնողները այդ հաշվույն մեջ չեն։
— Սանկ ըսե։
⁂
— Ընդհանուր հարստահարությանը համար ղրկվելիք քննիչը որոշվա՞ծ է։
— Չէ՛ տակավին։
— Ո՞վ պիտի ընտրեն արդյոք։
— Նուրյան էֆենտին ամենեն հարմարն է։
⁂
— Կարապետ աղաք իմացա, որ աղջիկդ կարգեր ես:
— Չէ՛, էֆենտիմ, հիմա աղջիկ կարգելը քայմե խարճելեն ավելի դժվար է։
⁂
— О՜о՜, հոս, թընելին քով խանո՞ւթ ես բացեր։
— Ի՞նչ ընենք։
— Ի՞նչ կ՛ընես կոր հոս։