— Այսօրվան համար եկուր, ըսած էիր, ահա եկա։
— Բարով եկար։
— Սա մեր առնելիքր կուտա՞ս։
— Վրաս ստակ չունիմ այսօր։
— Այսօրվան համար պիտի տամ, ըսիք նե։
— Այո՛, ըսի, բայց ի՞նչ ընեմ, գողերեն մարդս կը վախնա կոր վրան ստակ առնելու։
⁂
— Սիրելի էրիկս, այս գիշեր թատրոն երթա՞նք։
— Ի՞նչ ներկայացում կա եղեր։
— Օրփեոսի դժոխք իջնալը։
— Չըլլար։
— Ինչո՞ւ։
— Դժոխքին սատանաներն ընկերնիս հոս է եղեր ըսելով քեզ կառնեն կը տանին, ատոր համար։
⁂
— Բժիշկը տո՞ւնն է։
— Այո՛, հոս է։
— Զինքը տեսնալ կհուզեի, հիվանդ եմ։
— Տոքթորը զբաղած է հիմա, թարխանային հայերենը կը փնտրե կոր, հիվանդ չկրնար ընդունիլ։
— Տեր ողորմյա, տեր ողորմյա․․․ քիչ մը առաջ փաստաբան մը տեսնալու գացի, ան ալ հայերենը շինելու կ՝աշխատիր կոր։
⁂
— Խաթուն, տղադ ինչո՞ւ համար խանութ չես ղրկեր կոր քանի մը օրե ի վեր։
— Բանթալոն չունի, անոր համար տունը նստեր է։
— Բանթալոնն ի՞նչ ըրավ։
— Քույրը Սամաթիա մի սաֆիրության կերթար կոր, բանթալոնն առավ խըչլըխ ըրավ։
⁂
— Ամբակում աղա, Սարը Յա՞ր կերթաք կոր։
— Ո՞վ ըսավ։