Էջ:Hagop Baronian, Collected works, vol. 7 (Հակոբ Պարոնյան, Երկերի ժողովածու, հատոր 7-րդ).djvu/256

<5>

— Խիկա՛ր, քեզի Պաղտատ պիտի ղրկեմ։

— Ինչո՞ւ։

— Այն տեղեն վարժապետ մը ուզեր են, հինգ տարվան համար ալ քոնթրաթ պիտի ընեն։

— Չե՛մ երթար:

— Ինչո՞ւ։

— Հոս ավելի օգտակար կըլլամ, քան թե Պաղտատ երթալով, կը նստիմ ու փոխանակ տղայոց դաս տալու ազնվականներու կուտամ։

— Բռնի պիտի ղրկեմ զքեզ։

— Բռնի՞ մի, ի՜նչ իրավամբ, Պաղտատեն նամա՞կ հրատարակեցի, որ բռնությամբ կարենաս ղրկել։

⁂

— Պոթին կալոշներս շինեցի՞ր։

— Այո՛, շինեցի պատրաստ են։

— Քանի՞ ղուրուշ պիտի տանք։

— Երեք հարյուր ղուրուշ պիտի տաք։

— Ի՞նչ կըսեք։

— Երեք հարյուր ղուրուշ պիտի տաք։

— Առաջուց իմաց տայիք նե գործը կը փոխվեր։

— Առաջուց իմաց տայի նե ի՞նչ կընեիր։

— Ինչ պիտի ընեի, 300 ղուրուշի կերթայի էշ մը ծախու կառնեի։

— Էշ մը ծախու կխառնեիք, բայց գիտնալու եք, որ էշերը կիրակի օրերը չեն աշխատիր։