Այս էջը սրբագրված է
— Ձեզի գաղտնի խոսք մը ունիմ։
— Ըսե՛ք։
— Զատկի օրերը հագնելու համար ձեր բարտըսյուն ինձի փոխ կուտա՞ք։
— Սիրով կուտայի, բայց ես բարտրսյուս առջի օրը, ծախեցի, հացագործին հաշիվը մաքրեցի։
⁂
— Յումուրճախ, ինչո՞ւ նստեր ես, չելլա՞ս հաց առնես, որ ուտենք։
— Ոչ։
— Առտվնե պերի բան մը չկերանք, տղաքը անոթի են։
— Վնաս չունի։
— Մեզի անոթութենե մեռցնե՞լ է միտքդ։
— Ո՛չ։
— Ինչո՞ւ ուրեմն հաց չես բերեր կոր։
— Դիտմամբ չեմ բերեր կոր, որ ձեզի անոթության վարժեցունեմ։
— Ինչո՞ւ համար։
— Չիմացա՞ր երեսփոխանին ըսածը, հարկ ըլլա նե անոթի կը մնանք, բոպիկ ոտքով կը պտըտինք, Գարատաղին բան մը չենք տար ըսավ։
— Գնա՛, դուն սա հացը բեր, ատոր ըսածը մեզի համար չէ՝ մենք շատունց վարժված ենք անոթության։