— Միայն թե անկիրթ դիմակավոր մը ցուրտ կատակ մընալով՝ վրաս հեծնել ուզեց, գետինը ձգեց զիս և քիթս բերանս արյունեց։
— Փառք տուր, որ կովու դիմակ կրած գիշերդ սայլի մը չեն զքեզ։
⁂
— Ս... էֆենտի, հաճեցեք պարահանդեսի տոմսին գինն վճարել։
— Որքա՞ն է։
— Մեկ ոսկի։
— Գրագրին կապսպրեմ, որ վճարե, ամիսե մը անցիր անգամ մը։
⁂
— Անցյալ գիշեր պարահանդեսին մեջ տիկին․․. Լ... ին ըրածին ի՞նչ կըսեք։
— Ի՞նչ ըրավ։
— Ի՞նչ պիտի ընե, էրիկն թողուց և մինչև առավոտ օտարի մը հետ խմեց, պարեց, երգեց ու ցատկեց։
— էրիկն բան մը չըսա՞վ։
— Չըսավ, բայց կը լսեմ, որ Դատաստանական խորհրդո դիմեր է կնիկն պատմել տալու համար։
⁂
— Էոհեո, էոհեո...
— Անցած ըլլա, Համբարձում աղա։
— Էոհեո, էոհեո․.. շնորհակալ եմ․․․ էո... հեո...
— Ատ ի՞նչ գեշ հազե բռնվեր ես.․․
— Էոհե... պալո գնացինք, էոհեո, էոհեո... գիշեր մը... էոհեո... էոհեու, քյուրքդ մի՛ հագնիր, ամոթ է, ըսին, էոհեո.․․ հազ մառինք, դարձանք։ Էոհեո․․․ հեո.․․ բարեկենդանն ալ սատանան առնե, պարահանդեսներն ալ, դպրոցներն ալ։
— Մըսեր, Համբարձում աղա՛, մըսեր, դպրոցներուն աղեկությանը համար է, որ կաշխատին։
— Ա՜ս հազը կը քաշվի մի յա դպրոցներու համար։