Այս էջը սրբագրված է
— Ինչո՞ւ։
— Առանց անուշ ապուրի կաղանդ ալ տեսած չունեի։
— Գործերը ասանկ երթան նե կաղանդ ալ չպիտի տեսնանք.
— Ես բան մը կը ծախեմ, անուշ ապուրս կը շինեմ, կաղանդեն կանցնիմ, անուշ ապուրեն չեմ անցնիր։
Երկինք ու երկիր անցնին, բայց անուշ ապուրը չանցնի։
Այս է տիկնոջ կարծիքը։
Հարկ չկա կրկնելու նմանօրինակ անթիվ խոսակցություններ, որ կը լսվին ամսույս վերջերը ամեն տեղ, պզտիկ վեճեր, զորս դեկտեմբերը կը հարուցանե, թեև այս ամիսը շատ ալ նշանտվություններ կավրե։ Վախնալու է այս դեկտեմբերեն։
Քսու ամիս մէ կարծես։
Մաղթենք, որ դեկտեմբերը վնասներ չգործե, ամեն մարդ խաղաղությամբ և առանց կորստյան անցնի այս ամիսեն և մենք դժբախտություն չունենանք շատ վեճեր և շատ նշանտվությանը ջնջումն արձանագրել մեր հաջորդ թերթերուն մեջ։
Աստված ձեր հետն ըլլա։
