որովհետև եթե պարտքը գրելու մոռնա պահանջքին հաշվեկշիռը սխալ կըլլա։
⁂
Սիրահարին մեծ արժանիքը սա է, որ միշտ ըսելու նոր խոսք մը կ՛ունենա, թեպետ և այն խոսքը քանավայի վրա բանված միևնույն նկարն է, բայց գույները փոխված են։
⁂
Օժիտը կեղծ դրամ մԷ, որ ամուսնության մեջ երբեմն սիրո տեղ կ՛անցնի։ Օժիտն ալ սիրո պես տգեղին գեղ և տգետին գետ կուտա։
⁂
Բացակայությունը սիրո փորձաքարն է։
⁂
Սերը համր է, երբ առաքինությունը լեզվանի է։
⁂
Սիրո ականջները միշտ բաց չեն, գողերու առջև ամուր դռան մը պես կը գոցվին։
⁂
Մարդիկ միշտ իրենց համբավեն նվազ կարժեն իսկ կանանց համար ասոր հակառակն է։
⁂
Սերն անողոք պարտատեր մ՚է, որուն առնելիքն առանց ուշացնելու հատուցանելու Է, եթե ոչ բուն պարտքին հետ տոկոս ալ վճարել հարկ կ՛ըլլա։
⁂
Ծերության խորշոմներն ակոսներ են, ուր սերը կը քնանա չարթննալու համար։
