Քարոզիչն սխալն հասկնալսվ պատասխան չտվավ, բայց այս տարի յուր սխալն ուղղելու համար նորեն վերոգրյալ դեպքը հիշեց և ըսավ, «Հիսուս հինգ հացով հինգ հազար հոգի կերակրեց». այս ըսելեն անմիջապես ետքը Ամրակում աղային ծաղրելով մը հարցուց․
— Դուն ալ կրնա՞ս հինգ հացով հինգ հազար հոգի կերակրել, Ամրակում աղա։
— Ատոր տարակո՞ւյս կա, բայց անցյալ տարվնե ավելցածներն ալ մեկտեղ առնելով։
⁂
— Իմացա՞ք, մեր դրացին անցյալ շաբթու նորեն սնանկացար է։
— Անիկա արդեն տարին մեկ երկու անգամ կը սնանկանա։
— Խեղճությանը մի նայիր, անիկա գործը գիտե, բան մը դրած է մեկդի։
— Այո՛, խղճմտանքը։
⁂
Անցյալ չորեքշաբթի գինեմոլին մեկը, ցերեկ ատեն շատ մը խմած, գինետունեն դուրս ելնելուն, մեկուն կը հանդիպի և արեգակը ցուցնելով, կը հարցնե անոր․
— Խնդրեմ, ինձի ըսե, լուսի՞ն է սա թե արեգակ։
Անցորդը գինովին տատանյալ վիճակը տեսնելով՝ կը պատասխանե․
— Շիտակը չեմ գիտեր, ես աստեղացի չեմ։
⁂
Նախագահ. — Աս ի՞նչ է, դարձյալ դուն ես, շաբաթ չանցնիր, որ հոս չգաս։
Հանցավորն. — Պարոն նախագահ, կարծեմ դուք իրավունք չունիք զիս այսպես հանդիմանելու։
Նախագահ. — Ի՞նչ ըսել կ՛ուզես։
Հանցավորն. — Ի՞նչ ըսել պիտի ուզեմ, եթե մեզի պես մարդիկ չգտնվին ու ամեն շաբաթ հոս չգան, հոս գործ չմնար, քեզի ալ ասկից կը հանեն ու կսկսիս պարապ պտըտիլ։