— Սա ասկե անցնող դեղագործը կը ճանչնա՞ք։
— Այո՛, իմ ընտիր բարեկամս է։
— Չէի գիտեր, ե՞րբ ծանոթացաք իրար հետ։
— Կնոջս հիվանդության ատենը։
— Որ դեղագործի մը շինած սխալ դեղին զոհ գնաց։
— Նույն ինքն այն էր, որ հիմա զիս այնպես սիրալիր բարև մը տալով անցավ։
— Ինչո՞վ այդչափ սերտ բարեկամ եք։
— Այո՛, այն օրեն ի վեր, առանց զիրար տեսնելու օր մը չենք անցուցած։
⁂
Թատրոնին մեջ․
Պարոն մը օթեկաց վերակացուհվույն.
— Տեղս բռներ են։
— Ո՞վ։
— Սա հոն տեղի եղող պարոնը, կը խնդրեմ, հաճեցեք իրեն ըսել, որ ելլե։
— Անկարելի է.․․ ես կը ճանչնամ զինքը, Ազգային ժողովը զայն այս շաբթու ծերակույտի անդամ անվանեց։
— Էյ, ի՞նչ կելլա ատկե։
— Կ՝ըսեն, թե ալ հիմա զայն տեղեն հանել կարելի չէ։
⁂
Երիտասարդ մը գիշերվան ժամը ութին ոստիկանության մը պահականոցը երթալով, իր մորեղբոր համար բժիշկ մը կ՝ուզե.
— Շուտով մորեղբորս տունը գացեք կըսե, անկողնին վրա անշունչ մնացած, կարծես թե կը քնանա, բայց կաթվածահար եղած է, կարծեմ թե շուտով արյուն առնելու է։