ԳԼ. Ե
Իմ հիշատակաց արժանի ժամանակները
Երեսուն տարեկան եղած ատենս ալ չպարել սկսա. քառասուն տարեկան՝ կանանցմե զզվեցա. հիսուն տարեկան՝ հասարակաց կարծիքներեն հրաժարեցա. վաթսուն տարեկան՝ խորհելն ետ կեցա. վերջապես կատարյալ իմաստուն և կամ անձնասեր մեղա, որն որ հոմանիշ է։
ԳԼ. Զ
Իմ բարոյական նկարագիրը
Ձիու մը պես խստերախ, պչրողի մը պես վես, տղու մը պես զվարթ, իշու մը պես ծույլ ••-ին պես գործոն էի։
ԳԼ. է
Իմ ամենակարևոր որոշումը
Անձիս ալ տեր չկրնալով ըլլալ, լեզվիս կապը քակեցի, և բարձրաձայն խորհրդածելու գեշ սովորությունը ստացա․ այսպես թեպետև կը զվարճանայի, բայց շատ թշնամիներ ունեցա։
ԳԼ. Ը
Ինչ որ եղա և ինչ որ կրնայի ըլլալ
Բարեկամության և վստահության մասին շատ աղեկ էի և եթե ոսկեդարու մեջ ծնած ըլլայի, թերևս կատարյալ բարի մարդ մը կըլլայի։
ԳԼ. Թ
Իմ հարգելի կանոնները
Ո՛չ ամուսնացա և ո՛չ ալ կնքահայր եղա, ո՛չ բժիշկ և ո՛չ ալ խոհարարի միջնորդ եղա, հետևաբար և ո՛չ մեկու մը կենաց վնասած եմ։
