ՊԱՏՐԻԱՐՔԱՐԱՆԻ ՄԵԿ ԱՆԻՐԱՎՈԻԹՅՈՒՆԸ
Լսեցինք, որ ազգային վարժարաններու մեջ կրոնագիտության և բարոյականի դասատվություն ընելու համար Պատրիարքարանեն որոշված եկեղեցականներուն մեջ արժանապատիվ Ամբրոսիոս վարդապետն ալ կը գտնվի եղեր։ Մենք հավատք չընծայեցինք և բոլոր ուժովնիս պնդեցինք, որ սխալ ըլլալու է։
Արժանապատիվ Ամբրոսիոս վարդապետը բարոյականի դասերու աշակերտ ըլլալու հարմարություն ունի, քան թե դասատու։
Եթե ստույգ է մեր լսածը, Պատրիարքարանը անիրավ է, որովհետև արժանապատիվ Ամբրոսիոս վարդապետեն անանկ բան մը կուզե՛ զոր արժանապատիվ Ամբրոսիոս վարդապետը չունի, և չունենալն ալ քանիցս ցույց տվավ արժանապատիվ Ամբրոսիոս վարդապետը։
Կեցի՛ր նայինք ինչ պիտի տա արժանապատիվ Ամբրոսիոս վարդապետը։
Եթե արժանապատիվ Ամբրոսիոս վարդապետը բարոյականություն ուներ և զայն ուրիշի մը չհափշտակել տալու մտոք հասարակութենեն կը պահեր կոր նե ըսելիք չունինք։
Չէ՛, չէ՛, ըսելիք ունինք.
Անանկ է նե բարոյականության մասին անդիի ծայր ագահ մէ։