Այս էջը սրբագրված է
⁂
Ավելի կը վախնամ, որ իմ ուրիշներուն վրա ունեցած կարծիքս չփոխվի, քան թե ուրիշներուն իմ վրա ունեցած կարծիքը։
⁂
Շատերը կը զարմանան, թե ինչո՞ւ մեր երեսփոխանության մեջ տգիտությունը մեծագույն մաս կազմած է։
Այս զարմանքը խնդալս կը բերե, միթե աղքատները միշտ մեծագույն մաս չե՞ն կազմեր։
⁂
Օրագրո դրամագլուխը սուտն է, ինչպես որ մուրացկանի մը դրամագլուխն ալ բարեմաղթությունն է։
Ասանկները դրամագլուխնին լմնցած օրը կսկսին միայն հարստանալ։