Եվ որովհետև ատենաբանություններով ժողովուրդը խաբելու և ուրիշներն շողոքորթելու սկզբունքն ընդունած չենք և ընդունելիք ալ չունինք, կրնանք համարձակ ըսել, որ իրերը տարի մը առաջ ինչ վիճակի մեջ էին նե՝ նույն և թերևս ավելի գեշ վիճակի մեջ կը գտնվին նաև այսօր, իբացառյալ ազգային պարտքը, որ աղնվասիրտ անձի մը ջանուք և երկու առատաձեռն ու ազգասեր անձանց շնորհիվ վճարվեցավ։ Վարժարանաց անկանոն վիճակը, Հայաստանի մեջ շարունակ տեղի ունեցած հարստահարություններն կը շարունակվին և պիտի շարունակվին, եթե Երեսփոխանական ժողովն այս խնդիրներն նկատողության չառնե և անոնց օրինավոր լուծում մը չտա։
Մյուս խնդիրներու պարտելու ազատության առանց դպչելու կը խնդրենք երեսփոխանութեն են,որ այս երկու խն դիրներն ալ ճամբա հանե և քիչ մ’ալ զանոնք պտըտցունե, որովհետև այս երկու խնդիրներն մյուսներեն ավելի պետք և իրավունք ունին պարտելու։
ՍՏԱԿ ՇԱՀԵԼՈԻ ԳՈՐԾԵՐ
- Ամբակում աղա, ճանըմ, սա մեր տղուն գործ մը չգտար
- էֆենտիմ, տղադ ի՞նչ գործ կ’ուզե, ի՞նչ գործ կրնա ընել։
- Ճանըմ, ստակ ըլլա տե, ամեն գործ կրնա տեսնել։
- Անանկ է նե թող էշ մը առնե.
- Շատ աղեկ, առնե։
- Մեծկակ սնտուկ մ’ալ շինել տա, իշուն վրա դնե։
- Շատ աղեկ, դնե։
- Սնտուկին մեկ կողմը տակառ մը բուտրա դնե, մյուս կողմն ալ տակառ մը կարմիր, թաղերը թող պտըտի։
- Սող պտըտի.
- Աս ան կով կը հուսամ, որ տարվան մը մեջ տասը տասնեհինգ հազար ղուրուշ կը վաստկի։
- Թո՞ղ վաստկի։
- Ասկից աղեկ գործ կ’ուզե, գնա զուրցե իրեն, վաղվնե էշ մը ծախու առնե և գործի սկսի։
- Թող ընե, ըսենք ամա, տղաս ուսումնական է, քերականություն գիտե, տաճկերեն գիտե, ֆրանսերեն գիտե, անգղիերեն գիտե, թվաբանություն գիտե, աշխարհագրություն գիտե, ինչ գիտ-