նամ դեռ ուրիշ շատ մը բաներ գիտե, ի՞նչպես էջը առջևը ձգած փողոցները բան ծախե։
- էշը թող ետևը ձգե։
- Ան ալ չըլլար։
- Թող էշուն վրան նստի։
- Ավելի անպատվություն է։
- Իշու վրա նստելուն մեջ ինչ անպատվություն կա, էշը կռնակն առներ նե ան ատեն կ’ըլլար անպատվությունը։
- Ճանըմ, իր նմաններն առտու իրիկուն ձի կը հեծնան տե, աղուն դժվարը կուգա։ ճանըմ, Ամբակում աղա, ուրիշ գործ մը գտնայիր։
- Շուկային մեջ պզտիկ խանութ մը բռնե։
- Բռնեցինք։
- Երկու քյուբ առ․
- Առինք։
- Թանի մը պիլլոր դիր։
- Դրինք։
- Քյուբերը ջրով լեցուր։
- Լեցուցինք։
- Տղադ ալ թող խանութը կենա ջուր ծախե ու շաբաթականը հանե։
- Հանե ամա, ուսումնականի մը ջուր ծախել կ’ըլլա՞ մի։
- Ջուր խմել կ’ըլլա տե, ջուր ծախել ինչո՞ւ չպիտի ըլլա։
- Տեսնողը ի՞նչ կ’ըսե։
- Ի՞նչ պիտի ըսե, բան մ’ալ չըսեր։
- ճանըմ, Ամբակում աղա, ուրիշ գործ մը ըսեիր։
- Ֆրանսերեն նամակ կրնա՞ գրե։
- Ֆրանսերեն կը գրե ամա, նամակ չկրնար գրել։
- Տաճկերեն կրնա՞ գրել։
- Տաճկերեն գրել աղեկ գիտե, ամա իմլան չգիտեր։
- Տետրակ բռնել գիտե՞։
- Մեկու մոտ չգնաց, որ գիտնա։
- Ի՞նչ գիտե ուրեմն։
- Հայերեն գիտե, ֆրանսերեն գիտե, տաճկերեն գիտե, անգղի…
- Ասոնք գիտնար նե իմ հարցուցածներս ալ գիտցած պիտի ըլլար։
- Վաճառականի քով չըլլար Ամբակում աղաս, ուրիշ գործ մը ըսեիր։