ԹԱՓԱՌԱԿԱՆ ԽՄԲԻՆ ԹԱՓԱՌԱԿԱՆ ՀՐԵԻՆ
ԹԱՓԱՌԱԿԱՆ ՆԵՐԿԱՅԱՑՈՒՄԸ
Առաջին անգամ լույս է տեսել «Թատրոնում», անստորագիր, 1874 թվականի ապրիլի 20-ին (№ 5)։
1. «Թափառական հրեա» - էոժեն Սյուի հայտնի բեմականացումը։
2. Տակոպերը «Թափառական հրետ» վեպի գրական հերոսներից է։
3. Ժովիալ - «Թափառական հրեայի» հերոսներից։
4. Ռոզը և Պլանշը երկու քույրեր են, «Թափառական հրեայի» հերոսուհիներից։
ԲԱԺԱՆՈՐԴՆ ՈՒ ԽՄԲԱԳԻՐԸ
Առաջին անգամ լույս է տեսել «Թատրոնում», անստորագիր, 1874 թվականի ապրիլի 20-ին (№ 5)։
1․ նկարագրված դեպքը պատահել է Պարոնյանի հետ, «մարդուն մեկը» ոչ այլ ոք է, քան ինքը Պարոնյանը։
Հոդվածը գրված է 1874 թվականի ապրիլի 20-ին, այսինքն ուղիղ մեկ և կես տարի անց այն օրից, երբ 1872 թվականի նոյեմբերի 4-ին Հ․ Սվաճյանը «Մեղուն» հանձնում է Պարոնյանին, իրեն վերապահելով միայն արտոնատերի իրավունքը։ Այս առթիվ «Մեղվի» վերոհիշյալ տարեթվում և ամսում հայտարարված է.
«Մեղվի տնօրինությունը, խմբագրությունը, գործակալությունը, վերջապես ամեն նեղությունը պ. Հ. Պարոնյանին հանձնված է, մեզի վերապահելով երբեմն անոր խմբագրության օգնականությունը».
<ՄԱՀ ՀԱՐՈՒԹՅՈՒՆ ՍՎԱՃՅԱՆԻ>
Առաջին անգամ լույս է տեսել «Թատրոնում», անստորագիր, 1874 թվականի ապրիլի 24-ին (№ 6)։
ԵՐԵԿՎԱՆ ԸՆԴՀԱՆՈՒՐ ԺՈՂՈՎԸ
Առաջին անգամ լույս է տեսել «Թատրոնում», անստորագիր, 1874 թվականի ապրիլի 27-ին (№ 6)։
1. Ակնարկը վերաբերում է Ներսես Վարժապետյանին։
ՊԶՏԻԿ ՊԱՐՏՔ ՄԸ
Առաջին անգամ լույս է տեսել «Թատրոնում», անստորագիր, 1874 թվականի ապրիլի 27-ին (№ 6)։
1․ Մ. Այվատյանը այս հարցերին անդրադարձել է իր խմբագրած «Արարատ» թերթում։
2․ Ակնարկը վերաբերում է նորընտիր պատրիարք Ն. Վարժապետյանին, եպիսկոպոս էր օծել Սսի կաթողիկոսը 1862 թվականին (տե՛ս Հ. Պարոնյան, Երկերի ժողովածու, II հտ․, «Ազգային ջոջեր», «Ն. Վարժապետյան»)։