ԽԱՉԱՏՈԻՐ ՎԱՐԴԱՊԵՏԻ ԿԵՉԱՌԵՑՈՅ ԱՍԱՑԵԱԼ
Փիլիպոս նըստեալ յաթոռ
Դարեհի դեսպանքն առաջի,
Որք հանողք եկին հարկին,
Պահանջել ըզգրամն արքունի:
ԱղԷքսանդր յառաջ եկեալ,
Խօսեցաւ բան զարմանալի.
Ասաց թէ՝ Այլ ոչ տամ հարկ
Ու ըզտուեալն առնում Դարեհի:
Գնացէք և զրոյց տարէք
Դարեհի պարսից արքային,
Թէ Փիլիպոսի որդին՝
Աղէքսանդւր, զայս կու խօսի:
Վաղ, որ էս տըղայ չէի,
Հայրն իմ հարկ տայր քեզ հանդիսի,
Այժմ, որ ես որդի եղայ,
Պահանջեմ զհարկըն հայրենի:
Կըծկեալ պըշուցեալ հային
Ընդ յերեսըն Ադէքսանդրին,
Մըտիկ խօսերոյն դըրել՝
Զարմանալն ընդ խօսըս նորին:
|
|