Մարկ Իվանիչը հրամայեց, վոր Պետրոսն ու Ադելինան պատասխանեն նրան իսկույն։
Յերիտասարդն ու որիորդը հասկացան տրված հրամանի նշանակությունը
և քաղցրաժպիտ մոտենալով իրար՝ ջերմագին համբուրվեցան:
Ուրախության բացականչությունները սկսվեցան նոր ուժով, և
շամպայնը նորոգեց իր շրջանառությունը։
Այժմ արդեն իմ ընթերցողները չեն պահանջի, վոր յես իմ
պատմությունը շարունակեմ։ Վորովհետև լավ գիտենք թե այսպիսի
մի նշանադրության ինչ ե հետևում. — հարկավ, պսակադրություն,
շքեղ հարսանիք և մեղրալուսնի ճանապարհորդություն... իսկ այնուհետև
գալիս ե ամուսնական խաղաղ ու քաղցր կենակցությունը,
մինչև ցնոր կարգադրություն...
— Իսկ Չիբուխլուն... Սևանը...:
— Նրանք դարձյալ մնացին իրենց տեղն անշարժ, անփոփոխ,
ինչպես հարազատ մասունք անփոփոխելի հավիտենականության...։
1. Համեմատեցեք Կամսարյանին Վեդունց Սարգսի համալսարանական
վորդու հետ:
2. Ինչո՞ւ Կամսարյանը չմնաց գյուղում:
3. Մուրացանի առաջարկած միջոցները կարող եյին դարման լինել գյուղի ցավերին:
4. Համեմատեցեք Մուրացանի նկարագրած գյուղը իր բոլոր յերևույթներով այժմյան խորհրդային գյուղի հետ. տնտեսական-կուլտուրական նոր ձեռնարկները, իշխանությունը, արդարադատությունը, կոոպերացիան, դպրոցը, խրճիթ-ընթերցարանը յեվ այլն:
