Այս էջը հաստատված է
Իմ սիրածս էր, խո՜լ աչքերով,
Սերեն գինով․․․
Մինչ կը խնդար՝ աստղե՜ր բերնին
Կը վառէին․․․
Կը վառեին լոլյսով մ՚այնքա՜ն
Անըրջական՝
Որ ձյուն մարմինն իր կը թրթռա՜ր
Իբրև քընար․․․
Բայց գրկեցի զայն երբ ուժգին
Իմ որբ կուրծքին՝
Ոտքերուս տակ հանկարծ մոխի՛ր
Եղավ կարմիր․․․
Պիտի բերե ան այս գիշեր
Նո՛ր ծաղիկներ.—
Ահ, ձեռքերն իր հետք կը կրե՞ն
Այն մոխիրեն․․․
Լեցո՛ւր բաժակը՝ խըմեմ
Գինին անո՜ւյշ հեշտանքին.
Ալ կը ծաղրե՜մ այս կյանքին
Սրբությունները դժխեմ։
Լեցո՛ւր բաժակը՝ խըմե՛մ
Գինին կախա՛րդ հեշտանքին.
Այսքան ցավով՝ երկընքին
Ինչպե՜ս ճամբան ես գըտնեմ։
