Այգուն այգուն,
Ի բուրաստան շուշանաց
Թափեալ զքուն՝
Կոյսն իջանէ մաքրազգեաց...
5
Զերթ թիթեռնիկ
Թռուցեալ ծաղկանց ի ծաղկունս,
Քաղէ փնջիկ
Թացեալ ի ցօղ զմատունս։
Զի՜ գեղեցիկ,
10
Զի ընդ առաջ յայգորել
Բերի յուշիկ,
Եւ զվարդունս համբուրել
Սիրատոչոր
Եւ սրտացեալ հրեշտակ,
15
Եւ ի բոսոր
Վառի կուսին պերճ դիտակ։
Համբոյրք խաղան...
Եւ ի վանդակս կրծոց
Սիրտք թրթռան—
20
Բի՜ւր երանի արդարոց.
Վճիտ ի սէր
Զոր ցանգ և Գիր պատուիրէ,
Հրեշտակն մեր
Սիրէ զկոյսն ի սրտէ։
25
Եւ ի ծաղկանց
Համասպրամից՝ թոյր ի թոյր,
Քնքուշ մատանց
Կազմեալ պսակ բազմաբոյր,
