ընդհատվում է՝ թերթերի պակաս լինելու պատտճաոով. շարունակությունը տալիս ենք ըստ «Հանդեսում» տպագրվածի։
ՄՈՒՍԱՅԻՑ ՄՈՒՍԱՅԻՆ
(էջ 25)
Առաջին անգամ տպագրվել է «Հանդես գրականական և պատմականի» III գրքում (1890)։
«Արշավում» (1940, № 3) այս և «Ուսանող ու մեծատուն» և «Մարգարե» բանաստեղծությունները հրատարակված են «Արձագանքի» շարվածքի հիման վրա, որի համար, հավանորեն, հիմք է ծառայել Հակոբ Բողդանյանի արտագրությունը։ Այլ ընթերցումները այս հրատարակության բաղդատությամբ էական չեն, մի հանգամանք, որ դարձյալ հաստատում է մեր ձեռքի տակ եղած «Տետրի» հարազատ լինելը «Հանդեսում» հրատարակված և որոշ իմաստով օրինականացված տեքստի համեմատությամբ։
10 Տիրմոսիրյա— հնարավոր է, որ սա Տերպսիխորա անվան աղավաղումը լինի։ Տերպսիխսրան պարի մուսան է։ Պատկերվում էր իբրև մանկահասակ մի աղջիկ, ձեռքին տավիղ (ուղղումն առաջարկել է Պ. Հակոբյանը)։
ՎԱԶՈՂ ՋՐԻՆ
(էջ 28)
Առաջին անգամ տպագրվել է «Հանդես գրականական և պատմականի» III գրքում (1890)։ Քանի որ «Տետրում» այս բանաստեղծությունը պակասում է, ուստի հրատարակում ենք «Հանդեսի» տեքստի հիման վրա։
ՈՒՍԱՆՈՂ ՈՒ ՄԵԾԱՏՈՒՆ
(էջ 29)
Առաջին անգամ տպագրվել է «Հանդես գրականական և պատմականի» III գրքում (1890),
ՄՏԱԾՈԻԹՅՈՒՆ
(«Անցան օրերս տխրութենով, չըտեսա մի բարեկամ...»)
(էջ 31)
Այս և երկու այլ բանաստեղծություն նույն խորագրով առաջին անգամ տպագրվել են «Հանդես գրականական և պատմականի» II գրքում (1889), մի ընդհանուր՝ «Մտածություններ» (I, II, III) վերնագրի տակ։ «Արարատում» տպագրված «Փշրանք Միք. Նալբանդյանի բանաստեղծությունների» հոդվածից իմանում ենք, որ դրանք եղել են 3 առանձին բանաստեղծություն՝ գրված տարբեր ժամանակներում։ Այս հրատարակության մեջ այդ ոտանավորները տրվում են առանձին-առանձին։
«Տետրի» մեջ տեղ գտած այս երեք գործերը ուշագրավ են ժանրային տեսակետից։ Դրանց քնարական հերոսի հայացքն ուղղված է ոչ թե դուրս, արտաքին
