Ցանկանում եմ Ձեզ հոգվով և սրտով առողջություն, երկար կյանք և ամեն տեսակ հաջողություն։ Աստված մեր հետ է։
Ձեզ միշտ հարգող և հոգվով մեծարող անխարդախ բարեկամ
1 սեպտեմբերի, 1858
Մոսկվա
36. ՄԱՏԹԵՈՍ ՎԵՀԱՊԵՏՅԱՆԻՆ
․․․ Գալուց 1859 թվականին «Հյուսիսափայլ» օրագիրը, որի գինը ճանապարհի ծախքով հանդերձ է ինն մանեթ և կես։
Որքան տոմսակ կարողանաք ցրել, նոցա բոլորի հասցեքը և ստորագրության գները կարող եք ուղարկել իմ վերա. ես ներքևում դնում եմ հասցես, որ եթե աշխատություն հանձն առնուք օրհնել ինձ մի նամակով, իմանաք, թե ո՛ւր և ի՛նչպես պիտո էր մակագրել։ Եթե Ձեր հովվապետական հորդորը ավելի պտուղ բերելու լինի, քան թե մեք տոմսակ էինք ուղարկած, այդպիսի դիպվածում կարող եք ստանալ նորա խընդիրը և հասուցանել ինձ նորա հասցեն ևս, ուրիշների հետ միասին, աներկբա մնալով, որ առանց տոմսակի ևս օրագիրը պիտի հասաներ մի այդպիսի պարոնի։
Ավելորդ ենք համարում ասել այստեղ, որ «Հյուսիսափայլը» լուռ մնալու չէ գալոց տարու մեջ Ձեր ազգասիրական գործակցության մասին օրագրի հետ, ճանապարհ տալով նորան Ձեր բարձր սրբազնության հավատացած թեմի մեջ։
Խնդրելով Ձեր բարձր սրբազնության օրհնությունը և աղոթքը, մնամ միշտ պատրաստական խոնարհ ծառա
9 հոկտեմբ. 1858 թիվ
Մոսկվայի մեջ
Իմ հասցեն.
74
