Եվ ավելի լավ, եթե իհարկե
Այցելուն սիրուն մի Վեներա է։
Էլ ինչ եք նայում. դուք ինձ չե՞ք լսում։
Գնում ենք, գնում, էլ ի՞նչ ես գոռում։
Շո՛ւտ կործանվեցեք։
Պետք է սեղանն էլ մեր հետը տանենք.
Այնտեղ խո պարապ չըպետք է նստենք։
Դե՛հ վերցրեցեք։
(Սեղանը վերցնում են և 4 խաղացողներն էլ դուրս են գնում աջ դռնից)
Կատուն ու մուկը,
Մուկն ու յուղը,
Յուղն ու ժանգը.—
Ժանգն ու սուրը,
Սուրն ու գայլը։
Գայլն ու այծը,
Այծն ու այգին,
Ձեզ բարիկենդան,
Մեզ բարի զատիկ,