1910 թ. («Փարոս» օրացույց),— «Կապը կտրած կինը» (մինյատուր)։
1911 թ. («Սուրհանդակ»),— «Պայքար» (վեպ)։
Ստորագծվածները տպագրված են առանձին գրքույկներով, մնացածները՝ ոչ, և այդ մնացածներից շատ բան ես ինքս չէի կամենալ առանձին հրատարակված տեսնել, որովհետև շատ թույլ բաներ եմ համարում։
Ահավասիկ այն բոլորը, ինչ որ ես կարող էի հաղորդել Ձեզ և շատ ուրախ կլինեի, եթե կարողացած լինիմ գոհացում տված լինել Ձեր հարցասիրությանը լիովին։
Կրկին անգամ շնորհակալություն հայտնելով Ձեր ուշադրության համար, մնում եմ առ Ձեզ հարգանքով։
Հ. Գ.— Ինձ կարող եք դիմել «Հորիզոնի» հասցեով, որի խմբագրատանը ես այժմ աշխատում եմ։
Շատ հարգելի պարոն Ազյան.[1]
Հատուկ խնդրում եմ ներեք ինձ, որ Ձեր նամակը ժամանակին ստանալուց հետո այսքան ուշ եմ պատասխանում. պատճառը բարի ցանկություն ունենալս չէ, մանավանդ որ գործը վերաբերում է իմ շատ սիրելի ընկերոջը,— այլ այն, որ ամենօրյա թերթի քարտուղարի հոգնատանջ պաշտոնս ինձ բնավ ազատ ժամանակ չի թողնում կողմնակի բաներով զբաղվելու։
Ծատուրյանի պատանեկական կյանքի մասին Դուք ավելի մանրամասն և ավելի ճշգրիտ տեղեկություններ, իհարկե, կարող էիք ստանալ անմիջական աղբյուրից, իրեն Ծատուրյանից, և դա, կարծում եմ, ավելի ուղիղ ճանապարհը կլիներ նրա կենսագրությունը կազմելու համար, բայց երևի
- ↑ Ազյան Մարտիրոս.— Թարգմանիչ, հասարակական գործիչ. Ալ. Ծատուրյանի մտերիմներից։ Գրել է Ալ. Ծատուրյանի ընդարձակ կենսագրությունը։