Եւ ձայնակցեալ դասք երկնային
Ընդ երջանիկ սուրբ գումարին,
Սխրահամբաւ պարք անմարմին
Եղանակեն զերգս կուսին:
Յորմէ քաղաքն դղրդին,
Հրէականացն սրտմտին,
Յանդգնութեամբ անդ գումարին
Շլաչութեամբ անդրէն հարին:
Եւ մերձեցեալ մաքուր կուսին
Կոյսն Յովհաննէս մօր անեղին,
Պատեաց մաքուր կտաւօք ինքնին
Զաստուածաբնակ մարմին կուսին:
Այլև եդեալ ի դագաղին
Զպսակն ոստոց բրաբիոնին,
Ձգեալ ծածկոց Յովհաննիսին
Զպատանս տեառն կենարարին:
Իբր պատիւ այն Յովնանին
Ընդ առաքելոցն այլ աւելին,
Քանզի կոչեալ էր նա որդի
Աստուածամօր Մարիամին:
Պետրոս ունէր յիւրում ձեռին
Զպատկեր սրբոյ Աստուածածնին,
Եւ Յակոբոս եղբայր փրկչին
Ըզտէրունեան նշան խաչին:
