Զի ի սպանանելն Յակոբոսին՝
Եղբօր տեառն Յիսուս փրկչին,
Երթեալք ի տունն հուր հարին,
Յորում բնակէր մայր կենսատուին:
Շբջապատեալ հոտն զհրէին
Կիզեաց եօթն այր ի նոսին
Եւ զԱննայ, զԿայիափայ,
Զքահանայապետ անուն Ղևին:
Եւ տան սրբոյ Մարիամին
Վնաս չեղև ամենևին,
Որք երկուցեալք ոչ իշխէին
Համարձակել յանձն կուսին:
Եւ ի յաւուր մկրտութեան
Խուժադուժաց ազգ հրէին
Գնացեալ հրոսակք Յորդանանին՝
Ըմբռնել զկոյսն ընդ Յոհանին:
Իսկ հրեշտակին, առեալ զնոսին,
Եդ ի յայնկոյս Յորդանանին,
Եւ հրէիցն անցել կամին՝
Այրս քսան կորեալ բնաւին:
Եւ ի յաւուրս համբարձման
Տեառն ի լերինն Ձիթենին,
Յախուռն քարամբք յարձակէին
Հրէից՝ հասեալ առ սրբուհին:
