Մի ընդ անյուիցն խարխափման
Խաւար մտօք մոլորական,
Դարձայց դիմօք պատկառական,
Զի հաւատով ի քեզ յուսամ:
Այլ ընդ նոսա, որք զղջացան
Եւ գթութիւն դարձեալ գտան,
Գիտ զհոգիս վըտարական
Եւ միածնիդ կալ յանդիման:
Բախմամբս զդուռն արքայական
Հայցեա բանալ զողորմութիւն,
Եւ բարձրասցի փառք տէրութեան
Ընդ փոքրոգոյս մեծ փրկութեան:
Առ որ գոչեմ հառաչական
Ի խոր սրտէ աւաղական,
Զխոցեալ հոգիս բիւր ցանկութեամբ
Առողջացո՛ անապական:
Զանկեալ գերիս հոգով յանցման
Կանգնեա՛, սուրբ կոյս, քոյին անուամբ,
Լեր և միջնորդ ինձ գթական
Առ միածինդ անմահ արքայն:
Զի զհոգիս թշուառական
Ազատեսցէ իւրոկ արեամբ
Եւ զկործանեալս չալեօք յանցման
Կանգնէ յուսով ողորմութեան:
