Ի իւսեալ բանիւս հառաչական
Զկոյսդ աղաչեմ սրտիս բաղձմամբ,
Վասն ճառիս նախնոյ շարման
Տամբք հարիւրից գոլ ի լրման:
Որոյ րաբուն Ներսէս անուն
Առիթ գոլով յառաջագոյն,
Յերուսադէմ խնդրեալ նորուն
Տունըս հարիւր յարեաց ընդ նոյն:
Րոտմամբ սիրոյ սրբոյ կուսիդ
Յաղթեալ անգա ի խոյզ բանիս,
Կազմել թոշակ հոգոյս վիրիս
Լոկ ի յանունս գոլ պսակիս:
Սիրով քոյին ծնող բանին
Շարեալ եղի ընդ նախնի ճառին,
Տունս հինգ յիսուն աւելորդին՝
Հոգոյն շնորհիւ յարեալ ի նմին:
Այժմ դարձեալ ընդ նոյն շաւղին
Երգս երգեցից մօրդ անեղին,
Քեզ պատմաբանս ըստ այբաբենին
Ինձ ողբ և ձայնս լալագին:
Աստուած հանուրց գոյականին,
Հայր անսկիզբն և անքննին:
Խորհեալ ընդ անեղ իւր ծոցածինն
Ի ընդ փառակից աստուած հոգին
