Յայտնեցաւ քաչրզն ընտրութեան՝
Պօղոս վարդապետն արի,
Ջատագովըն ճշմարտութեան:
Հոմանուն առաքելոյն,
Համարուեստ նոյն քարոզութեան,
Փողելով հրատարակէր,
Յուշ արնէր զբանն արթնական:
Կարծրագոյն վիմօք հաստեալ
Զտուն հոգւոյ հաւատոյ հիման,
Զգուշութեամբ փորեալ ի խոր
Ըստ բանիցն տերունական:
Իջին անձրևաց հեղեղք,
Փորձութիւնք ի յորդոց մարդկան,
Ի Վասպուրական երկրին,
Մոկաց տուն և ի Քուրդաստան:
Կործանել ոչ կարացին զնա
Ի յուսոյն իւրոյ քաջութեան,
Ճշմարիտ ջանիւ գործեաց
Ի յայգւոջն տէրունական:
Ի տարաշխարհիկ լինելն,
Ի գաւառն, որ կոչի Գողթան.
Դարձեալ անդ զարթեաւ հին չարն
Եւ յարոյց կրկին հալածան:
Առաջնորդք ւ եպիսկոպոսք,
Աբեղայք ւ եկեղեցական,
Հակառակ կացին նմա
Եւ ընդդէմ նմին զինեցան:
Վասն այն զնոսա սրեաց
