Պարաւորք լինել համաձայն՝
Երկրպագութիւն և փա՜ռք
Տաղին ի ձայն գոհութեան:
Որ զայս երկու ուսուցիչս
Առաքեաց մեզ ճշմարտաբան,
Գործնական իմաստութեամբ
Կատարել միշտ զտեսական:
Զայս եզինքս ամոլական,
Բանաւոր և արդիւնական,
Բանական երկրի մշակ,
Խստատանջ և միշտ ժրաջան:
Այս երաշտացեալ գետինս
Արտասուաց ցողով արբուցան,
Զայս խոպանացեալ երկիրս
Արարին բերրի անդաստան:
Հերկեալ խրատով զայգիս
Չարահնար փուշքն խլեցան,
Եւ ապականիչ աղուեսքն
Որք կալեալ և որք ղօղեցան:
Նոր գարնանային հողմունք
Քաղցրասիգ յայգիս հնչեցան,
Եւ ձայն տատրակաց սրբոց
Մնչիւնիւ աստէն լսեցան:
Ձմեռն և անձրևք անցին,
Խստութիւնք սրտից կակղեցան,
Եւ ծաղիկ զարմանազան
Ի յերկրիս մեր երևեցան:
Իջցուք ի յայգիս եղբարք
Եւ տեսցաք ծառք համանգամայն,
