Ծաղկեալ որթ և՛ թուզ, և՛ նուշ,
Նոնենիք և՛ մուրա, և՛ շուշան:
Երկուց նմանեալ հողմոցն,
Որ յառակողէն ասացան
Արի՛ հիւսիսի փչումն,
Ե՛կ, հարաւ ջերմին սիրական:
Շնչեար ի պարտէզս մեր՝
Խնկալից և խիտ բուրաստան,
Բուրեսցին խունկք մեր անուշ
Եւ ծաղկունքն, որ հանդիսացան:
Փա՜ռք նորոգօղին տացուք,
Որ ետ դուռն ապաշխարութեան
Եւ փոխհատուսցուք սոցա
Ներբողեան գովասանական:
Այս երկու մեծ լուսաւորք
Կորնթարթն երկնից կառուցան,
Լուսատու լինել յերկիր
Եւ նշան գոլ ժամանակեան:
Երկու այս բևեռ աստղունք,
Որ ի վեր ւ ի վայր կայացան,
Որով կարգք եկեղեցւոյ
Կանոնիւ սահմանադրեցան:
Երկու պատուական ակունքս,
Որ երկու կուռն Ահարոնեան
Նշանքըն Իսրայէլի
Մեղանչման և արդարութեան:
Երկու ձիթենի ուղէշքն,
Որ յերկրի նոր արմատացան,
Գնդին լուցելոյ յաջմէ
