Անցեալ հասին յերկիր Ուճին,
Անթիւ հեծեալք ընդդէմ ելին.
Շրջան առեալ յարձակէին
Որպէս զգայլ ի վերայ գառին:
Այլ թագաւորքն և զօրք նորին
Կական բարձեալ ի ձայն ուժգին,
«Աստուա՛ծ, յօգնել մեզ փութացիր
Եւ յընկրկել քում ծառային»:
Ապա ի մարտ մտեալ յուսով.
Վանեալ հարին հալածեցին.
Երկու մարտիկ ի մէջ գնդին
Զարմանալոյ գործ գործեցին:
Իբրև զհուր ընդ եղեգին՝
Հատեալ զռազմն անցանէին,
Գոռային, խիզախէին,
Բազումք յահէ սատակէին:
Իւրաքանչիւր հազար սպանին
Այլև զբիւրս փախուցին.
Սուլտանն երդուաւ ընդ Ֆռանգին
Հնազանդիլ Հռոմայ գահին:
Ապա դարձան ի Մէջերկրայս
Առ Լևոնաւ թագաւորին,
Անտի դարձան յԱնտիոքին,
Առ Ջհանայ գետովն իջին:
